ಪ್ರೀತಿ ಮೊನಚು

ನಿನ್ನ ರೂಪ ಕಂಡವನು

ಕನಸಲ್ಲೂ ನೊಂದಿಹೆನು

ಕಲಕಿಹುದು ನಿನ್ನ ನೆನಪು ಮನದ ತಿಳಿಯ

ಬಿಡಿಸಿ ಹೋದೆಯಾ ಕೊನೆಗೂ ಪ್ರೇಮ ಸುಳಿಯ

          ಅವನ  ಕಾಡದೆ ನಿನ್ನ ಬಿಟ್ಟು ಕೊಟ್ಟೆನು ಎಂದು

          ಚುಚ್ಚುತಿದೆ ನನ್ನೊಳಗೆ ಪ್ರೀತಿ ಮೊನಚು!

          ಮನವು ಹೇಳಿದೆ ಅವಳು ತಿರುಗಿ ಬರುವಳು ಎಂದು

          ಜನವು ಹೇಳಿದೆ ಸುಳ್ಳು ಮೋಹ ಕಳಚು!

ಭಗವಂತನಾ ಭಾಷೆ ಪ್ರೇಮವೆಂಬುದು ತಾನೆ?

ಮತ್ತೇಕೆ ಹೀಗೆ ಕೊಟ್ಟವನೇ ಕಸಿಯುತಾನೆ?

ಎಂದು ಮುಕ್ತಿಯೊ ತಿಳಿಯೆ?

ಕಣ್ಮುಂದೆ ಬರೀ ಕಪ್ಪು.....

ಕೊನೆವರೆಗೊ ಕಾಡುವುದು

ಪ್ರೀತಿಗೆಲ್ಲಿದೆ ಮುಪ್ಪು.....?