ಈ ನೆನಪುಗಳೇ ಹಾಗೆ,ನಗುವ ಮಗುವಿನ ಹಾಗೆ.
ಈ ನೆನಪುಗಳೇ ಹಾಗೆ,ತೀರ ಸೇರದ ಅಲೆಗಳ ಹಾಗೆ.
ಭಾವಗಳ ನಭ ಕಲಕಿ ನಿನ್ನ ಹೆಕ್ಕುವ ಹೊತ್ತು
ನೆನಪಾಯಿತೆನಗೆ ನಿನ್ನ ಪ್ರೀತಿಯ ತುತ್ತು.
ನೆನಪುಗಳೇ ಆಸರೆಯು ಬದುಕಲೀಗೆನಗೆ
ಭಾವಗಳೇ ತೋಳ್ಬವು ಈಜಲೆನಗೆ.
ನೀನಿಲ್ಲದಾ ಹಗಲು ಚಂದ್ರನಿಲ್ಲದ ರಾತ್ರಿಯಂತೆ.
ನೀನಿಲ್ಲದಾ ರಾತ್ರಿ ಸೊರ್ಯನಿರದ ಹಗಲಂತೆ.
ಅವನ ದೊರೆನು ನಾನು ನೀನಿಲ್ಲವೆಂದು
ನೀನಿರದ ಬದುಕೆಂದು ಅನಿಸಿಲ್ಲ ಎಂದೂ.
ನಿನ್ನಿರುವಿಕೆ ಬಲ್ಲೆ
ದುಃಖ ಮೀರಿದೆ ಎಲ್ಲೆ.
ಬೀಸುವ ಗಾಳಿಯಲ್ಲೂ ನಿನ್ನದೇ ನಿನಾದ
ಹರಿಯುವ ನೀರಲ್ಲೂ ನಿನ್ನದೇ ಉನ್ಮಾದ.
ಬದುಕ ಪ್ರೀತಿಸುತಿಹೆ ನಾನು
ಬದುಕು ಪೀಡಿಸಿದರೇನು?
ನಾನು ಬದುಕಿಹೆ, ನಿನ್ನ ನೆನಪುಗಳ ಜೊತೆಗೆ
ನೀನು ಬದುಕಿಹೆ, ನನ್ನ ನೆನಪಾಗಿ, ಜೊತೆಗೆ.
